1Ch 24 | NdeIBE | STEP | Lezi yizo izigaba zamadodana ka-Aroni: Amadodana ka-Aroni ngu-Nadabi, lo-Abhihu, lo-Eliyazari kanye lo-Ithamari.

1 Chronicles 24

Izigaba zabaPhristi

1 Lezi yizo izigaba zamadodana ka-Aroni: Amadodana ka-Aroni ngu-Nadabi, lo-Abhihu, lo-Eliyazari kanye lo-Ithamari. 2 Kodwa uNadabi lo-Abhihu bafa uyise engakafi, njalo babengelamadodana; ngakho u-Eliyazari lo-Ithamari yibo ababa ngabaphristi.

3 Ngokuphathisana loZadoki owosendo luka-Eliyazari kanye lo-Ahimeleki owosendo luka-Ithamari, uDavida wabehlukanisa ngezigaba kusiya ngemisebenzi ababemele bayenze.

4 Babebanengi abosendo luka-Eliyazari abakhokheli kulabosendo luka-Ithamari ngakho behlukaniswa bamiswa njengalokhu: kwakusiba ngabalitshumi lesithupha kwabosendo luka-Eliyazari abayizinhloko labaficamibili kusendo luka-Ithamari. 5 Babakhetha kungelakubandlulula ngokuphosa inkatho, ngoba zazikhona izikhulu zendawo yokuphephela lezikhulu zikaNkulunkulu phakathi kwabosendo luka-Eliyazari laphakathi koluka-Ithamari.

6 Umlobi uShemayiya indodana kaNethaneli, umLevi, waloba amabizo abo phambi kwenkosi kanye lezikhulu: uZadoki umphristi, lo-Ahimeleki indodana ka-Abhiyatha kanye lezinhloko zezimuli zabaphristi labaLevi – kuthathwa imuli eyodwa ku-Eliyazari kuphinde kuthathwe imuli eyodwa ku-Ithamari.

7 Inkatho yakuqala yadla uJehoyaribhi, eyesibili yadla uJedayiya,

8 eyesithathu yadla uHarimu, eyesine yadla uSeworimu,

9 eyesihlanu yadla uMalikhija, eyesithupha yadla uMijamini,

10 eyesikhombisa yadla uHakhozi, eyesificamibili yadla u-Abhija,

11 eyesificamunye yadla uJeshuwa, eyetshumi yadla uShekhaniya,

12 eyetshumi lanye yadla u-Eliyashibi, eyetshumi lambili yadla uJakhimu,

13 eyetshumi lantathu yadla uHupha, eyetshumi lane yadla uJeshebheyabi,

14 eyetshumi lanhlanu yadla uBhiliga,

15 eyetshumi lesithupha yadla u-Imeri, eyetshumi lesikhombisa yadla uHeziri, eyetshumi lesificamibili yadla uHapizezi,

16 eyetshumi lesificamunye yadla uPhethahiya, eyamatshumi amabili yadla uJehezikheli,

17 eyamatshumi amabili lanye yadla uJakhini, eyamatshumi amabili lambili yadla uGamuli,

18 eyamatshumi amabili lantathu yadla uDelaya, eyamatshumi amabili lane yadla uMahaziya.

19 Yizo lezi izigaba ababehlukaniswe ngazo ukuze benze umsebenzi wokukhonza ekungeneni kwabo ethempelini likaJehova, ngezimiso ezenzelwa ukhokho wabo u-Aroni, njengokulaywa kwakhe nguJehova, uNkulunkulu ka-Israyeli.

Abanye AbaLevi

20 Kwathi-ke ababesele abosendo lukaLevi: kumadodana ka-Amramu: uShubayeli; emadodaneni kaShubayeli: nguJehedeya.

21 Kuvela kuRehabhiya, amadodana akhe yila: ngu-Ishiya engowokuqala.

22 Kuma-Izihari: nguShelomothi; kumadodana kaShelomothi; nguJahathi.

23 Amadodana kaHebhroni yila: nguJeriya owokuqala lo-Amariya owesibili, loJehaziyeli owesithathu loJekhameyamu owesine.

24 Indodana ka-Uziyeli: nguMikha; emadodaneni kaMikha nguShamiri.

25 Umfowabo kaMikha: ngu-Ishiya; emadodaneni ka-Ishiya: nguZekhariya.

26 Amadodana kaMerari: nguMahili loMushi. Indodana kaJahaziya: nguBheno.

27 Amadodana kaMerari: Kusuka kuJahaziya: nguBheno, loShehama, loZakhuri kanye lo-Ibhiri.

28 Kusuka kuMahili: ngu-Eliyazari, ongazange abe lamadodana.

29 Kusukela kuKhishi: indodana kaKhishi: nguJerahimeyeli.

30 Njalo lakumadodana kaMushi: nguMohili, lo-Ederi kanye loJerimothi. Laba kwakungabaLevi, ngezimuli zabo.

31 Labo baphosa inkatho, njengalokhu okwenziwa ngabafowabo abosendo luka-Aroni, phambi kweNkosi uDavida loZadoki, u-Ahimeleki, labayizinhloko zezimuli zabaphristi kanye lezabaLevi. Imuli yomfowabo omdala yaphathwa njengemuli yomfowabo omncinyane kulabo bonke.